Kleimineralogiese data vir 12 grondvorms, wat algemeen in die Hoëveldstreek voorkom, is ondersoek. Die persentasie monsters waarin 'n bepaalde kleimineraal voorkom, is bereken. Daaruit is dit duidelik dat smektiet algemeen in gronde van die Arcadia-, Bonheim, en Rensburgvorms voorkom, maar minder algemeen in gronde van die Avalon-, Hutton-, Clovelly- en Westleighvorms. Tussen 30 en 318 monsters, uit geselekteerde boerderygebiede in die Hoëveldstreek, is gebruik om regressievergelykings vir die verband tussen katioonuitruilkapasiteit en klei-inhoud vir 19 grondvorms te bereken. Katioonuitruilkapasiteit, tesarne met klei-inhoud kan gebruik word om die waterhouvermoëvan grondvorms te bereken. Dit is opvallend dat die waterhouvermoëvan verskillende grondvorms met vergelykbare klei-inhoude, maar met 'n variërende katioonuitruilkapasiteit met tot meer as 50 persent kan verskil. Die korrelasie tussen katioonuitruilkapasiteit, kleiinhoud en waterhouvermoëis goed binne 'n grondvorm, maar varieer baie tussen grondvorms.S.-Afr. Tydskr. Plant Grond1986, 3: 103–109