In sitruskwekerye word vegetatiewe groei gestimuleer deur die konsentrasie van voedingstowwe in die groeimedium so hoog moontlik te handhaaf. Dit kan egter te hoëkonsentrasie teweegbring. In die ondersoek is gevind dat growwe- skilsuurlemoensaailinge (GS) optimaal groei waar sproeibemes was met 'n gebalanseerde voedingsoplossing, waarvan die elektriese geleiding (EG) 150 mS m−1was. Troyer citrange (TC) het die beste by 'n EG van 450 mS m−1gegroei. Periodieke ongunstige toestande waar die EG nie optimaal was nie, het groei ook onderdruk. Die EG van 'n blaarekstrak was 'n goeie aanwyser van die EG van die voedingsoplossing vir GS maar swakker vir TC. Die asinhoud van die blare was egter deurgaans 'n swak aanwyser van die EG van die voedingsoplossing.